Khutbah Idul Fitri Berbahasa Bugis

SultanSulaiman.Id, Berikut naskah khutbah Idul Fitri Berbahasa Bugis (Katobba Allappareng Fittara) yang ditulis oleh Ustas Syahriadi al-Bugisyi. Semoga bermanfaat, bagi yang mau mengalihbahasakan ke Bahasa Indonesia dipersilakan.

Katobba Allappareng Fittara

السلام عليكم ورحمة الله وبركاته

الله اكبر 9x لااله الا الله والله اكبر الله الكبر ولله الحمد

الله اكبر كبيرا والحمد لله كثيرا وسبحان الله بكرة واصيلا  لااله الا الله وحده  صدق وعده ونصرعبده   واعز جنده وهزم الاحزاب وحده  لااله الاالله ولا نعبد الا اياه مخلصين له الدين ولو كره الكافرون ولو كره المنا فقون ولو كره المشركون  لااله الا الله والله اكبر الله اكبر ولله الحمد

الحمد لله الذي جعل شعائر العيد في الارض ولا في السماء  فكانت بين ملائكته وامة رسوله محمد علي السواء  فكلهم شرفوا الجباه بالسجود لخالقها ثم سلم كل واحد منهما وهلل وكبر  احمده جعله يوم فرح للمسلمين واشكره اعده يوم فرح للمتحاصمين فلا حقد فلا حسد  ولا اصغر من ذالك ولا اكبر  اشهد ان لا اله الا الله وحده لا شريك له واشهد ان محمدا عبده ورسوله لا نبي بعده, اللهم صل وسلم وبارك علي سيدنا محمد وعلي اله وصحبه من صام رمضان ايمانا واحتسابا واتبعوه ببعض من شهر عند الله الا صغر (الله اكبر 3x لا اله الا الله والله اكبر الله اكبر ولله الحمد) اما بعد

فيا عباد الله اتقواالله ولا تكونوا من الغافلين ان ربك لبا المرصاد

Narimunrinna E’ Sininna Umma’ Selleng Malebbi Engkae maneng Hadere.

Labe’ni uleng ramalang, nalaowangeng menengngi sininna amala’ta lao risese arajanna puang Allahu SWT, iya pura ripapolewe ilalenna uleng ramalang. Pada natajekki riattakkappongetta matti, jaji makkedai puang Allahu swt ilalenna akorang marajae:

  واحسنوا ان الله يحب المحسنين

Pada appideceng maniki bawang, napoji puang Allahu SWT tau simata mappidecengnge.

Nasaba maddani ladde’ni matu uleng ramalang ritau naewae sipakkinra-inrarilalenna uleng ramalang, makkedai nabitta Muhammad saw:

من صام رمضان ايمانا واحتسايا غفر له ماتقدم من ذنبه

Nigi-nigi tau mappuasangngi uleng ramalang, sikira-kira teppe simata-mata, ripammasena puang Allahu swt, riyaddampengiwi ritu dosana iya pura maddioloe.

Aja’kiha naengka mappegau iya de’e napojiwi uleng ramalang risese arajanna puang Allahu SWT. Namajeppu iyawee essoewe, napancajiwi Puang Allahu swt esso alleppereng, esso assiyamase-maseng, risininna rupa taue, jaji topada polabai kuritu iya naporiyoe Puang Allahu swt, nasaba makkedai nabitta Muhammad saw:   

لا تنزع الرحمة الا من شقي

De’ narireddu pammasewe, sangngadinna polekkummi tau macilakae.

Naiya riyasengnge tau macilaka iyanaritu, paddibolangngengngi ja’ kapangnge, sere atie, lampe nawa-nawae, atakabborokengnge, attunra-tunrae, aggau bawangnge, sininna gau papolewe dosa, nade’munahagaga toba’na kasi’ namate, naiya nassabari naccangngeru uleng ramalang risese arajanna Puang Allahuswt.

الله اكبر ولله الحمد

Jaji rimakkuwannanaro topada polabai ritu rialeta gau akkamasewe, nennia sipa’ accarinnae, nasaba ilalenna iyawee essoewe, napada makkaturu-turungenni malaikae lao ritanae rimunri puranai masempajang alleppereng rilangie, turungngi ritu pakuru sumangei tau mateppee, nennia pakario-rioi tau mateppee, napada makkatettongeng rilalengnge, pada sabbingiwi gau-gau’ta iya pura ripaddupae ilalenna iyawee essoewe.  
 
Sining Umma’ Selleng Malebbi Engkae Maneng Hadere. 
Labe’ tongenni kasi’ uleng ramalang, rimunri puranai ripugau puasa ramalangnge, temmassimang nalao, temmapperemisi nakkedde, nasalaiki rigau engkata makkatuda-tudangeng ilalenna iyawee onrongngewe, samatta’ha napateri-teri renni riwettu engkata mewai siraga-raga naluru nasalaiki.

Gangkanna, peneddinna umma’ sellengnge iyawee essoewe, maladde nasedding uddaninna ritau laona, utamana tau engkae mallimbang tasi molai toto pura napattentue puang Allahu swt, nennia tannia bawang tau laona naengngerang, naiyyakiya lettu ritau matena engkai ritu simata nasenge, pada-padaennae:

à Seddie Indo/Seddie Ambo naengngerangngi kasi’ wija-wijanna.

à Seddie Ana’ naengngerangngi kasi’ topajajianna.

Gangkanna, narekko soro’ni alepperengnge, tattale’ manenni taue lao rieppae sulapa, engka lao rimaniyang, engka lao rimanorang, engka lao riaja, engkato lao riilau.

Gangkanna, pakkotae laoni ridesae, kampong ancajingenna, siyaraiwi keluargana, sompung lolona, iyakkaeppaha lettu rikubburue mancaji onrong assiyarangenna.

Sining Umma’ Selleng Malebbi Engkae Maneng Hadere.

Upasekki tumennang idi engkae mupa topajajiatta, engka sewwa wettu matu maelo’ mupi situdattudangeng, sipabbicara, nennia siraga-raga sibawa duwae topajajiatta nade’nagaga wettu, nassabari dua kemungkinan, narekko tannia idi salaiwi idi’tu nasalai. Namaegana tau makkukkuwangnge, de’ nasadari alena, lalo temmellau tabe riolo tudangenna topajajianna, tenrisappa nakkaloppong sadda riseddena topajajianna.
 
Peddi’pahatu tomatoae lao riana’na, narekko makkuniro ampena idi anae lao ritomatoae. Gangkanna engka tomatoa biasa makkeda: Nabennengnge weddikko riuno riolo nainappako ripatuo, nappakkua peddi’ lapottomatoa naluru manrasa-rasa. Ana’ tojo atinna, ripsangngajari tennangkalinga, nangkalingasi tennatang, napegau’si temmalaku-laku, tanranna ana temmatturu riparentana topajajianna.

الله اكبر ولله الحمد

Sining tomappunnai mupa topajajiang, taperhatikangngi adanna Puang Allahu SWT:

وقضي ربك الا تعبد وا الا اياه وبالوالدين احسانا اما يبلغن عندك الكبر احدهما او كلاهما فلا تقل لهما اف ولاتنهرهما وقل لهما قولا كريما

Pura napattentui Puang-Mu, aja’ lalo muengka sappa puang rilaennae puang Allahu swt, nennia appidecekko ritopajajiammu gangka narapi umuru atuwongenna sala seddi, iyanre’ga iya dua. Makkuniro taro bicaranna Puang Allahu swt, napannessai makkeda, makkedani bawang “PUWAH!!!” temmakni kere’na, oncong pasiha narekko rigera’-gera’ memenni. 
 
Jaji massangkani peddi’na narekko de’muna namaelo patabbollo-bolloi uwae matanna, narekko teyai tabbollo taroi tetti tassiseng, napakkuwa sessekale dosata ritopajajiatta.

Pada ati-ati manekki ritopajajiatta, akkalitutuki, tapadecengiwi, enrengnge tamaseiwi, nenia tasadari aleta, pekkugi perasaaata narekko engkaki tuwo ale-ale, teng-engka ambo, teng-engka indo.

Taingngerangngi laloi dosata ritopajajiatta, taseng ammani makkeda: purana mappuasa siuleng bujuru, nennia massekke pittara, makkedani naddampengenni puang Allah swt, de’ patu naddampengiki, sangngadinna mellau addampeppi ritomatoatta. Jaji rimakkuwannanaro, narekko selesaini matu tomalleppe’, atteru laloki mellau addampeng, tapalorongngi limatta mewai majjama’ tomatoatta, tasuroi mellau dowangekki asalamaketta, nasaba iyatu paddowangenna tomatoae riana’na de’ tenri tarimana. Narekko purani mejjama’ tomatoatta, sulessuretta, keluargata, balibolata, nainappaki lesu ripuang Allahu swt, nainappani mapaccing tonget-tongeng pole riyasengnge dosa

سبحان الله  

Makkuniro apentingenna tomappideceng lao ritopajaiatta, nasaba alena parakaiki. Mappamulaki baiccu narapi’ki battowa, naparakaiki nasibawai anrasa-rasang. Etau laloki ripuang Allahu swt nennia taengngerangi atassalatta, baik iya engkae sitaggattungeng ripuang Allahu swt, iyaregga sitaggatumgeng ripadatta rupa tau, Bare weddingngi mapaccing tonget-tongeng aleta pole ridosae, sarekkuwammengngi natopada salewangeng rilini nennia riahera matti, Insya Allah.

 الله اكبر ولله الحمد

Pada laoni mai, pada pabbiasai aleta pugaui pakkasiwiyangnge kuaetopa risiyagae egana deceng rimunri nasalaitta uleng ramalang. Pada mui engkana deceng mallebbangnge iya weddingnge makkeguna rikampotta nennia siajing selletta rigau engkata pugaui jama-jamang linota enrengnge jama-jamang ahera’ta. Parellui nasibawai reso temmangingngi namalomo naletei pammasena puangnge, iya weddingnge riala bokong temmawari lele ritana suwalinna Puang Allahu swt, na’aja nalesang nasaba napakalonto’-lonto’ki setangnge nennia napesue.

Pada engka laloki pedecengiwi hubungatta ripuang Allahu swt enrengnge ripadatta ripancaji, narilalenna atuwongtta rilino, termasuk engkata rapi’i iyawee esso allepperengngewe, de’ namustahele makkeda engka dosa pura ripugau ripadatta rupa tau, gangkanna parelluki pada siyaddampengeng pole rigau assisalangnge iya engkae ripallawangetta, palesangngi sifa’ bali’-bella’ta enrengnge assere atitta, sarekkuwamangngi nasimata itambai decetta, majeppu addimonrinna papolei siare rupanna sifa’ saisanna assiyamase-masengnge, assitului’-tulungengnge, REBBA SIPATOKKONG, MALI SIPARAPPE, MALILU SIPAKAINGE, mainge’pi’ tapaja,nassabari namalomo napaturung bosi pammasena Puang Allahu swt, nalempe’ berejama’, namali maneng dosata idi pabbanuwae.

Jaji rimakkuwannanaro sompe’ni natopada tonangiwi lopi asellengengnge, riyabbalowangengngi nasaba teppe, naripasangngi lopitta nasaba asabbarakeng, naripennoi lureng nasaba amala madeceng, natossompe caddio-rio nasaba sau’ kininnawa, naaja nakennaki paccallang bombang kubburu’, natopada soso’ ritana pammasewe, natasita rupa arunna dewttae iyanaritu alebbirenna Puang Allahu SWT.

الله اكبر ولله الحمد

Engka pappasenna Anre Guruta Tomatowatta riolo: Engkatu matu sewwa wettu, narekko makkompe’ni beccie, masolanni wanuwae, talle’ga’ni belona panasae, masso’buni lempue, ripattongenni salae, ripassalani anu tongengnge, sianre balini rupa taue, rigattunni pattapie, risellorenni alue, napalennyei barakkae Puang Allahu swt, nennia mabela tonitu pammasena.

Tettong batakki nasaba lempu nabessi kelling, maggetteng akkewali nasaba ada tongeng, mutettong nasaba indo’ ambo’ temmappasilaingeng, natapusipai sifa’na uwaewe, iya simata sappaengngi onrong kaminang mariyawae, namaladde’ makkeguna lao ripadatta ripancaji. Attanekki tanet-taneng deceng, naribolo nasaba wae amala, naripabbaca korang mabbuwa suruga, naiya buwana riingngalai nasaba rakkapeng sempajang, narinampui ripalungeng sEkke’E, narinasui rioring pesonae, narekko manusuni risamponi nasaba cenning ati nanyameng kininnawa, naaja’ nanrei sere ati sibawa ja’ peru’.

Narimakkuwannanaro, engka laloki pada mappikkiri madeceng napatuju, pasanrei awaraningengnge rigau patujue, sarekkuwammengngi natopada salama rilino nalebbi-lebbi paha matti riesso rimunrinna Puang Allahu swt.

AMIN… AMIN… YA RABBAL ALAMIN.    

      الله اكبر 3x لا اله الا الله والله اكبر الله اكبر ولله الحمد

بارك الله لي ولكم في القران العظيم  ونفعني واياكم بما فيه من الايات والذكر الحكيم  وتقبل الله مني ومنكم تلاوته انه هو السميع العليم  اقول قولي هذا واستغفر الله العظيم لي واكم  وللمؤمنين واللمؤمنات واللمسلمين واللمسلمات  الاحياء منهم والاموات  فاستغفروه فيافوز المستغفرين ويانجاة التائبين

  الخطبة الثانية

(Khutbah Kedua)

الله اكبر  7x  الله اكبر كبيرا والحمد لله كثيرا وسبحان الله بكرة واصيلا, لااله الا الله والله اكبر, الله اكبر ولله الحمد.

الحمد لله الذي يحقق رجاء من امله, ويجيب دعاء من ابتهل اليه وامله, اشهد ان لا اله الا الله وحده لا شريك له واشهد ان محمدا عبده ورسوله لا نبي بعده, ارسله بالهدي ودين الحق ليظهره علي الدين كله ولو كره الكافرون, صلي الله عليه وعلي اله وصحبه وسلم تسليما كثبرا. اما بعد.

فيا عباد الله اتقوا الله وصلوا علي رسول الله, اللهم صل وسلم وبارك علي سيدنا محمد في الاولين والاخرين وفيالملاء الاعلي الي يوم الدين. وقال تعالي: ان الله وملائكته يصلون علي النبي يا ايها الذين امنوا صلوا عليه وسلموا تسليما. اللهم ارض عن الخلفاء الراشدين ابي بكر وعمر وعثمان وعلي وارض اللهم عن سيدنا الحسن وسيدنا الحسين وعن امهما فاطمة الزهراء وعن جدتها خديجة الكبري وعن بقية الصحابة والقرابة والتابعين لهم باحسان الي يوم الدين. امين يا رب العالمين. اللهم انصر الاسلام والمسلمين ودمر اعداءك اعداء الدين, اللهم امنا في دورنا واصلح ولاة امورنا واصلح اللهم كذالك ائمة البلاد وزعماءها ورعاتها ورعاياها وجنودها ووزراءاها, اللهم اصلح ذات بينهم والف بين قلوبهم ووفقنا واياهم الي ما تحبه وترضاه. امين يا رب العالمين.

أللهم بك نستنصر فانصرنا علي اعدائنا وعليك توكل فلا تكلنا الي انفسنا واكفنا شر الظالمين. امين يا رب العالمين. اللهم اغفر للمؤمنين والمؤمنات والمسلمين والمسلمات الاحياء منهم والاموات انك سميع قريب مجيب الدعوات ويا قاضي الحاجات برحمتك يا ارحم الراحمين. ربنا اتنا في الدنيا حسنة وفي الاخرة حسنة وقنا عذاب النار. امين يا رب العا لمين.

عباد الله ان الله يأمركم بالعدل والاحسان وايتاء ذي القربي وبنهي عن الفخشاء والمنكر والبغي يعظكم لعلكم تذكرون, فاذكر الله العظيم يذكركم واشكروه علي نعمه يزدكم واسألوه من فضله يعطكم ولذكر الله اكبر والله يعلم ما تصنعون.

والسلام عليكم ورحمة الله وبركاته.   

Simak pula: 

Khutbah Memaknai Idul Fitri

Khutbah Idul Fitri Ramadan Mengantarkan Manusia ke Fitrahnya 

Khutbah Idul Fitri Ramadan Telah Pergi

0 Comments

Posting Komentar